კეგების აღრიცხვის სპეციალისტი

ვაკანსიის დეტალები

GDL – ჯიდიელი” (“საქართველოს დისტრიბუცია და ლოგისტიკა” ყოფილი “თელიანი თრეიდინგი”) 2005 წლიდან მოღვაწეობს ბაზარზე და აწარმოებს სასმელი პროდუქტების დისტრიბუციას, გაყიდვას და მარკეტინგულ მხარდაჭერას. წლების მანძილზე კომპანიის პორტფელი და საქმიანობის არეალი გაიზარდა, 2018 წლიდან კომპანიის საქმიანობას ლოგისტიკური მომსახურებაც დაემატა, შესაბამისად დადგა რებრენდინგის საჭიროება და დღეს უკვე კომპანია განახლებული სახელითა და ბრენდით ოპერირებს ბაზარზე.

ამჟამად “ჯიდიელის” პორტფელში დაახლოებით 30-მდე პროდუქტია, რომლის ექსკლუზიურ გაყიდვას და ბრენდის განვითარებას კომპანია საქართველოს მასშტაბით 15 წელზე მეტია ახორციელებს.

“ჯიდიელი” აცხადებს ვაკანსიას კეგების აღრიცხვის სპეციალისტი ს პოზიციაზე ბათუმსა და სამტრედიაში.

სამუშაო გრაფიკი: სრული

ძირითადი მოვალეობები:
# ობიექტებზე ვიზიტები;
# პროდუქციის (კეგების) აღწერა;
# ქსელში არსებული ნაშთის მართვა და შენარჩუნება;
# აღწერის შედეგების მიხედვით აქტების შედგენა და მასზე ხელის მოწერის უზრუნველყოფა;
# რეპორტის წარმოება / გაგზავნა;

ძირითადი მოთხოვნები:
# უმაღლესი განათლება
# მსგავს პოზიციაზე მუშაობის გამოცდილება ჩაითვლება უპირატესობად.
# აუცილებელია კანდიდატი ფლობდეს ავტომობილს (ცვეთისა და საწვავის ხარჯი ანაზღაურდება კომპანიის მხრიდან)

პიროვნული თვისებები:
# პასუხისმგებლობის მაღალი გრძნობა და კეთილსინდისიერება;
# ენერგიულობა და შრომისმოყვარეობა;
# დროის ეფექტურად მართვის უნარი;
# სისხარტე, პუნქტუალურობა და დეტალებზე ორიენტირებულობა.

გარანტიები:
# კანდიდატი შრომითი ურთიერთობის პერიოდში ისარგებლებს საქართველოს შრომის კოდექსით მინიჭებული ყველა ძირითადი უფლებით და გარანტიებით, მნიშვნელოვანი შეზღუდვების გარეშე.
# უზრუნველყოფილია კანონმდებლობით გათვალისწინებული უსაფრთხო და ჯანსაღი სამუშაო პირობები.

დაინტერესებულ კანდიდატებს გთხოვთ, გამოგვიგზავნოთ თქვენი რეზიუმე ელ-ფოსტაზე: hr@gdl.ge და სათაურის (Subject) ველში მიუთითოთ ვაკანსიის დასახელება – “კეგების აღრიცხვის სპეციალისტი-ბათუმი” ან “კეგების აღრიცხვის სპეციალისტი-სამტრედია”.

გთხოვთ, მიიღოთ ცნობად, რომ გასაუბრების ეტაპზე გადასულ კანდიდატებს დავუკავშირდებით ვაკანსიის განთავსების ვადის ამოწურვიდან უახლოესი ორი კვირის განმავლობაში. სხვა შემთხვევაში ითვლება, რომ თქვენი რეზიუმე აღარ განიხილება!

დაუშვებელია განზრახ ან გაუფრთხილებლობით პირის განსხვავება ან გამორიცხვა ან მისთვის უპირატესობის მინიჭება რასის, კანის ფერის, ენის, ეთნიკური ან სოციალური კუთვნილების, ეროვნების, წარმოშობის, ქონებრივი ან წოდებრივი მდგომარეობის, შრომითი ხელშეკრულების სტატუსის, საცხოვრებელი ადგილის, ასაკის, სქესის, სექსუალური ორიენტაციის, შეზღუდული შესაძლებლობის, ჯანმრთელობის მდგომარეობის, რელიგიური, საზოგადოებრივი, პოლიტიკური ან სხვა გაერთიანებისადმი (მათ შორის, პროფესიული კავშირისადმი) კუთვნილების, ოჯახური მდგომარეობის, პოლიტიკური ან სხვა შეხედულების გამო ან სხვა ნიშნით, რომელიც მიზნად ისახავს ან იწვევს დასაქმებასა და პროფესიულ საქმიანობაში თანაბარი შესაძლებლობის ან მოპყრობის უარყოფას ან ხელყოფას.

დისკრიმინაციის აღმოფხვრისა და თანასწორობის უზრუნველყოფაზე ზედამხედველობას ახორციელებს საქართველოს სახალხო დამცველი.

შპს “საქართველოს დისტრიბუცია და ლოგისტიკა”-ს მიერ გამოცხადებულ ვაკანსიაზე თქვენი რეზიუმეს, CV გამოგზავნით, თქვენ ეთანხმებით, რომ ზემოხსენებული კომპანია უფლებამოსილია კანონმდებლობთ დადგენილი წესით დაამუშაოს თქვენგან მიღებული პერსონალური ინფორმაცია. აგრეთვე ეთანხმებით, რომ თუ არ მოხდება თქვენი დასაქმება, თქვენს შესახებ პერსონალური მონაცემები შეინახება კომპანიაში ერთი წლის ვადით, დასაქმების შემდგომი შემოთავაზების მიზნით.

გისურვებთ წარმატებას!