გენერალური დირექტორის ასისტენტი

ვაკანსიის აღწერა

სს “ნიკორა ტრეიდი” უმსხვილესი და სწრაფად მზარდი კომპანიაა, რომელიც რითეილ სექტორში 2000 წელს ერთი საფირმო ფილიალით გამოჩნდა და დღეს ორი წამყვანი ბრენდის – “ნიკორასა” და “ლიბრეს” 650-ზე მეტ სავაჭრო ფილიალს მართავს.

“ნიკორა ტრეიდი” ეს გუნდია, რომელიც ქმნის წარმატების 25 წლიან ისტორიას. ჩვენ დღეს 8500-მდე ვართ და ერთად ვქმნით კომპანიის ხვალინდელ დღეს.

თუ გაქვს სურვილი, გახდე პროფესიონალი გუნდის წევრი, გამოწვევები აქციო შენი განვითარების შესაძლებლობად და ჩვენთან ერთად შექმნა შენი წარმატების ისტორია, მაშინ დროა შემოგვიერთდე.

სს „ნიკორა ტრეიდი“ აცხადებს ვაკანსიას გენერალური დირექტორის ასისტენტი-ს პოზიციაზე.

ფუნქცია-მოვალეობები:

• გენერალური დირექტორის კალენდრის მართვა: შიდა ორგანიზაციული შეხვედრების, მივლინებების, მოლაპარაკებების, კონფერენციების დაგეგმვა და ორგანიზება;
• გენერალური დირექტორის კორესპონდენციის მართვა: ელ-ფოსტაზე შემომავალი წერილების მიღება/გაანალიზება, დირექტორისთვის გაცნობა და მიმოწერებში ჩართვა დირექტორთან შეთანხმებით;
• გენერალურ დირექტორთან შეთანხმებით საქმიანი დოკუმენტების მიღება, დასამტკიცებლად/ხელმოსაწერად წარდგენა, განსაზღვრულ ვადებში რეაგირება, ადრესატამდე გაგზავნის უზრუნველყოფა;
• მიღება-ჩაბარების აქტების ვიზირების პროცესის კონტროლი და ხელმოწერის შემდეგ მათი ადრესატამდე გაგზავნის უზრუნველყოფა;
• გენერალურ დირექტორთან ერთად შეხვედრებზე დასწრება, შეხვედრებზე განხილული საკითხების ამსახველი დოკუმენტაციის/ოქმების წარმოება, შესაბამისი პირებისთვის მიწოდება და შესრულების პროცესის, ვადების მონიტორინგი;
• გენერალურ დირექტორთან ერთად პროექტებში ჩართულობა, ახალ პროექტებთან დაკავშირებული გეგმების შესაბამისად აქტუალური საქმეების პროგრესის, დედლაინებისა და შესრულების უზრუნველყოფა;
• სტრატეგიული ამოცანების და პროექტების ჭრილში, აქტიური თანამშრომლობა სხვადასხვა სტრუქტურულ ერთეულებთან, პროექტის ვადების დაცვისა და შესრულების ხარისხის უზრუნველსაყოფად;
• გენერალურ დირექტორსა და კომპანიის მენეჯმენტთან, თანამშრომლებთან და პარტნიორებთან კომუნიკაციის პროცესის მართვა;
• პრეზენტაციების, დოკუმენტაციების, ოფიციალური წერილების, რეპორტების მომზადება;
• საქმიანობასთან დაკავშირებული სხვა დავალებების შესრულება.

ძირითადი მოთხოვნები:

• უმაღლესი განათლება, სასურველია, ბიზნეს ადმინისტრირების მიმართულებით;
• სასურველია აღმასრულებელი დირექტორის ან რომელიმე მსხვილი დეპარტამენტის დირექტორის ასისტენტის პოზიციაზე სულ მცირე 2 წლიანი სამუშაო გამოცდილება;
• სასურველია სამუშაო გამოცდილება პროექტების მართვის მიმართულებით;
• საოფისე კომპიუტერული პროგრამების მაღალ დონეზე ცოდნა;
• ინგლისური ან/და რუსული ენების მაღალ დონეზე ცოდნა.

პიროვნული თვისებები და უნარები:

• პასუხისმგებლობის მაღალი გრძნობა;
• დეტალებზე ორიენტირებულობა;
• ორგანიზებულობა;
• დროის ეფექტურად მართვის უნარი;
• პრიორიტეტების განსაზღვრის უნარი;
• პრობლემების გადაჭრის უნარი;
• გამართული ვერბალური და წერითი კომუნიკაციის უნარი.

დაინტერესებულ კანდიდატებს გთხოვთ დააჭიროთ ღილაკს “CV გაგზავნა”