სასწავლო კურსი: ბავშვისა და ზრდასრული ადამიანის ასაკობრივი განვითარების კანონზომიერებები

ვაკანსიის დეტალები

„კავშირი ადამიანებისთვის განსაკუთრებულ ზრუნვას რომ საჭიროებენ“ მსურველებს იწვევს კურსზე “ბავშვისა და ზრდასრული ადამიანის ასაკობრივი განვითარების კანონზომიერებები”.

კურსში განხილული იქნება ადამიანის ბიოგრაფიული განვითარების ფაზები, პიროვნების ხასიათის, ფსიქიკური თვისებებისა და უნარების როგორობა და ცვალებადობა სხვადასხვა ასაკში, ყურადღება დაეთმობა კრიზისულ პერიოდებს, მათ სპეციფიკასა და გადალახვის გზებს.

კურსი შედგება ოთხი ეტაპისგან.

• პირველი ეტაპი ეთმობა ბავშვის განვითარებას დაბადებიდან შვიდ წლამდე და ტარდება 23-24-25-26-27 სექტემბერს 18 – 20.30 საათებში.
• მეორე ეტაპი ეთმობა ადამიანის განვითარებას შვიდიდან 21 წლამდე და ტარდება 21-22-23-24-25 ოქტომბერს 18 – 20.30 საათებში.
• მესამე ეტაპი ეთმობა ზრდასრული პიროვნების განვითარებას 21 წლის შემდეგ და ტარდება 18-19-20-21-22 ნოემბერს 18 – 20.30 საათებში.
• მეოთხე ეტაპზე კურსის მონაწილეები მოახდენენ საკუთარი ბიოგრაფიის განხილვას ბიოგრაფიული განვითარების გერმანელი სპეციალისტის ურსულა ბუგჰარდტის მეთოდით, სადაც გამოყენებულია ფერწერა და საუბარი ჯგუფის წევრებს შორის. ეს ეტაპი ტარდება 16-17-18-19-20 დეკემბერს 18 – 20.30 საათებში.
  
  

რისთვის უნდა დაესწროთ ამ კურსს?

თქვენ გაერკვევით საკუთარი და სხვა ადამიანების ცხოვრების მიმდინარეობის კანონზომიერებებში. შედეგად გაგიიოლდებათ საკუთარი ბედის მიღება, სხვადასხვა ასაკის ადამიანების გაგება, განსაკუთრებით კრიზისულ პერიოდებში და მათთან სწორი ურთიერთობის დამყარება. თქვენ შეძლებთ ასაკობრივი განვითარების თავისებურებების გაუთვალისწინებლობით გამოწვეული პრობლემების,შეცდომების, კონფლიქტების, გაღიზიანების, სასოწარკვეთის, ნერვიულობის თავიდან აცილებას. თქვენ დაინახავთ, რომ ყველა ასაკს საკუთარი დანიშნულება და ხიბლი აქვს და აღარ შეგეშინდებათ ასაკის მატების. გეცოდინებათ მომდევნო ასაკების თავისებურებები, მოსალოდნელი რთული პერიოდები, რის შედეგადაც შესაძლებლობა გექნებათ აკონტროლოთ საკუთარი თავი და სხვებს არ გადააბრალოთ საკუთარი პრობლემები.

ერთი ეტაპის ღირებულებაა 100 ლარი.

მსურველებს შეუძლიათ, ნებისმიერ ეტაპზე შემუერთდნენ კურსს.

კურსის დასრულებისას მონაწილეებს მიეცემათ კავშირის სერტიფიკატი.

კურსი ტარდება სოციალური თერაპიის სახლში: თბილისი, ძმები ელიზბარ და ვლადიმერ უბილავების ქ. 8       

კურსში მონაწილეობის მიღების მსურველებს გთხოვთ დაგვიკავშირდეთ ფეისბუკით ან ტელეფონით 595 343448 მარინა ბულია.